உன் மறதிகளுக்கு என் வாழ்த்துக்கள்

எழுத எண்ணும் எதுவும் தாள்களில் ஒட்டாமல் தூர நிற்கின்றன.

உன் நினைவுகள் போல,

நலமாய் இருக்கும் உன்னிடம் மிண்டு கேட்க எதுவும் இல்லை

இருந்தும் கேட்கின்றேன் – என் தொல்லைகள் இன்றி சுகமாய் இருக்கின்றாயா?

சுவர்க்கோழிகள் கூவும் இரவொன்றில், உன் நினவுகள் என்னைத் தட்டி எழுப்பிற்று.

பெரும் பிரயத்தனங்களுடன் உன் பிம்பம் தேடி கண்களினை இறுக மூடியும்,

எம் காதலின் இறுதி ஊர்வலம் மட்டுமே மீண்டெழுகின்றது.

சொல்ல வேறொன்றுமில்லை,

உன் மறதிகளினை வாழ்த்துவதை தவிர!