என் கனவுகளும் எதிர்காலமும்

அதோ அம்மலைகளின் பின்

என் கனவுகள் உள்ளன என எதிர்காலத்திடம் சொன்னேன்.

நீண்ட ஒரு சிரிப்பொலியுடன் அது என்னை கடந்து சென்றது.

கோபம் தலைக்கேற,

தீர்க்கமாக என் கைகளினை நீட்டினேன் - அம்மலையினை நோக்கி

இப்போது மௌனம்,

பின்,

சிறிய கேவலுடன் அது பெருங்குரலெடுத்து அழ ஆரம்பித்தது.

எதுவும் சொல்லத்தோன்றாமல்,

அவ்வழுகையின் பிற்பாடு கூட

இன்னும் என் கை அத்திசையினை நோக்கியே நீண்டவாறு உள்ளது.