கல்லூரிகள் முடியும் போது
சில ஞாபகங்களும்,
கொஞ்சம் நட்புடனும் சேர்த்து
நிறைய ஆட்டோகிராப் வாசகங்களும்
அழகாய் பூக்களிட்டு,
வார்த்தைகள் செதுக்கி,
கண்ணீரால் நனைத்து
கனதியாய் நிறையும் ஆட்டோகிராப்
காலங்கள் கரைய,
எப்போதாவது கதவு தட்டும் – நினைவுகள்
அழைத்துச்செல்லும் ஆட்டோகிராப் நோக்கி.
சண்டை இட்ட சம்பவங்கள்,
சபலம் தட்டிய இரவுகள்,
சிரித்து பிரிந்த கணங்கள் என
அனைத்தும் நண்பன் முகத்தோடு திரும்ப
இப்போது எங்கிருக்கிறாய் நண்பா
என கேவலுடன் அவன் இலக்கம் தேடும் கண்கள்.
ஆயிரம் கதைகள் பேச
அவன் இலக்கம் அழைத்தால்..
“ நீங்கள் அழைத்த இலக்கம் பாவனையில் இல்லை”
என இயந்திரக்குரல் ஒன்று..
எம் நட்பினை கேலி செய்து போனது..
No comments:
Post a Comment